Cómo mercar

O Centro Comercial de Los Productos de Lugo posúe numerosos produtos de diversas categorías: Alimentación, Artesanía, Moda, Ocio, entre outros. Para comprar é moi sinxelo: só ten que elixir o produto, incorporalo á cesta pulsando sobre a icona do carriño e tramitar o pedido, empregando o medio de pago que seleccione.

De forma detallada o proceso de compra se desglosa nos seguintes pasos:

Paso 1: Atope o produto

Para atopar un produto, pódense utilizar os menús de navegación situados á esquerda da páxina. Mediante eles accédese ás distintas categorías e agrupacións dos produtos. Tamén se pode utilizar o buscador situado na zona superior; o resultado da procura mostrará os artigos dispoñibles en función dos datos introducidos.

Unha vez achado o artigo, pódese ampliar a información pulsando sobre o seu nome ou sobre a súa imaxe. Deste xeito accédese á ficha de produto, que dispón das características detalladas do mesmo, promocións aplicadas, ampliación da imaxe, entre outras.

Paso 2: Tramitar o pedido

Para iniciar o trámite do pedido, hai que incorporar o produto á cesta pulsando sobre o icono do carriño da compra. Unha vez na cesta, pode continuar comprando outros artigos ou tramitar o pedido cos produtos incluídos.

Cando vostede tramita o pedido, todas as transaccións a partir dese momento efectúanse baixo unha conexión segura que lle garante a confidencialidade de todos os seus datos.

Unha pantalla solicitaralle a súa clave de usuario e contrasinal. Se xa é cliente rexistrado, só terá que introducir os devanditos datos.

Se aínda non o é, deberá rexistrarse, para obter así unha clave de usuario e unha contrasinal que lle servirán para as sucesivas transaccións que realice no noso portal. Poderá adquirir produtos, recibir información sobre ofertas e promocións, coñecer a situación dos seus pedidos, etc. Na súa ficha de cliente quedarán rexistrados os seus datos persoais, polo que non será necesario que volva enchelos en posteriores compras.

Nota: dentro da oferta de produtos, existen algúns que, por características específicas dos mesmos, non é posible realizar o envío en conxunto con outros produtos, e xa que logo, a súa tramitación deberá ser independente do resto. Algúns exemplos deles poderían ser os produtos conxelados.

Paso 3: Pagar o produto

No seguinte paso móstrase un resumo do pedido e os datos da ficha de cliente, para revisar se a dirección de envío é correcta. Tamén se pode optar por enviar o pedido a un domicilio distinto do rexistrado; os gastos de envío asignaranse en función do destino elixido.

Nesta mesma páxina seleccionarase a forma de pago. Unha vez elixida, procederase a finalizar a tramitación do pedido.

Finalmente, unha páxina confirmará a tramitación correcta do pedido, e mostrará o número do mesmo, así como un resumo dos produtos adquiridos.

Paso 4: Seguimento do pedido

Pódese coñecer a situación dun pedido en curso ou consultar os pedidos realizados con anterioridade mediante o acceso á miña Conta.

Unha vez introducidos os datos identificativos, mostrarase información detallada dos últimos pedidos realizados no noso portal, a data de compra, a situación dos pedidos en curso, a composición detallada dos mesmos, entre outros.