Ancares de Meu

A comarca dos Ancares é unha zona de montaña (inicio- final da cordillera cantábrica) situada no límite oriental da provincia de Lugo. E unha zona fronteriza na que conflúen elementos naturais, culturais e etnográficos típicos de áreas de montaña das tres comunidades limítrofes: Galicia, León e Asturias.

Os seus valores naturais e de conservación do medio ambiente atópanse recoñecidos por varias figuras de protección a nivel autonómico, europeo e mundial, sendo as máis destacadas a súa inclusión na Rede Natura 2000 (Rede de Espacios Protexidos da Unión Europea) e a súa declaración no 2006 como Reserva da Biosfera (figura de recoñecemento concedida pola UNESCO).

Ancares é unha comarca en franca recesión demográfica e económica onde catro veciñas da zona constituímos a cooperativa ""Ancares de Meu"", tratrando de xerar unha alternativa de desenvolvemento para nós e para a xente que nos rodea.

"Ancares de Meu" pretende ofrecer un servizo de turismo fundamentado nos valores etnográficos e ambientais propios de Ancares, capaz de xerar riqueza e desenvolvemento que se quede nos Ancares.

"Ancares de Meu" ofrece unha serie de actividades de tempo libre e rutas ambientais dirixidas por mulleres da zona nos Ancares Lucenses. As actividades realízanse fundamentalmente nas nosas propias casas e fincas e baséanse en dar a coñecer como viviu e aínda vive e traballa a xente da comarca. As rutas teñen como obxectivo mostrar e interpretar a prodixiosa natureza da Reserva da Biosfera dos Ancares Lucenses.