Lugosabe

Dentro do proxecto LugO2, cofinanciado con fondos FEDER nun 70%, desenvólvese a liña de actuación denominada “Mellora na comercialización de produtos autóctonos” co obxectivo de mellorar a calidade dos produtos autóctonos incluídos nas anteriores áreas de actuación e incidir na mellora da transformación e comercialización destes produtos. Contempla, así mesmo, a creación dunha Marca, Lugosabe, propia para os produtos procedentes das Reservas da Biosfera da provincia de Lugo e do Courel e dunha rede de distribución propia para estes produtos, dando valor á súa procedencia.

Desta forma, poderán ser amparados pola Marca, aqueles produtos agrarios e alimentarios orixinarios dos concellos anteriores con caracteres tradicionais e diferenciais propios que pola súa natureza ou peculiaridades ofrezan unhas características específicas de calidade que permitan distinguilos doutros produtos pertencentes á mesma categoría.